طرق تكتشفين بها حقيقة خطيبك علشان ما ترجعيش تشتكى

أشعر بالألم كلما قرأت مشكلة لزوجة أو عروسة



تعانى مع زوجها او خطيبها من أمور لم تكتشفها فيه قبل



زواجهما وتقول لو كنت عرفت أو اخذت إنتباهى لكنت فسخت



تلك العلاقة بدون تردد


لذا اتتنى فكرة ذلك الموضوع من واقع مشكلات أخواتنا



لعل منكن من تستفيد منه وتحذر قبل أن تقع فى الحفرة التى لا



تراها بوضوح

بداية لا يوجد من لا يستطيع إخفاء عيوبه كلها بدون أن يدل



عليها شىء فالكذب والخداع كما يقولون ليس له رجلين



المهم فكرة الموضوع تتلخص فى إظهار بعض العلامات التى



تشير إلى سوء طبع معين او سلوك معين فى الرجل

وتنبيهك إليها من خلال حوار يدور بين شخصيتين تمثيلتين


أحلام ...سامر

هما مخطوبان ومملكين او معقود قرانهما



وسنطبق عليهما كل المواقف ولكن ليس شرطا أن تجتمع كل تلك



المواقف فى الرجل حتى نحذر يكفى منها موقفا واحدا لكى نعيد



النظر مرة أخرى بعيدا عن أهوائنا الشخصية ومشاعر الإعجاب

الموقف الأول



الوقت الساعة 11 مساءا



سامر بصوت ناعس:آلو



أحلام:آلو ياسامر كنت فين كل الوقت ده بأتصل


بيك من العصر مش بترد


سامر:فى إيه يأحلام رجعت العصر مرهق من



الشغل عملت الموبايل على الصامت ونمت ولسه



صاحى دلوقتى ولما لقيتك متصلة كتير قلت



أتصل بيكى اطمنك على ّ



أحلام :ماشى ياسامر



وأكملوا حديثهما كالمعتاد



أين الخطأ هنا



أين المشكلة



المشكلة هنا عدم الحفاظ على الصلاة



أستاذ سامر وعلى شاكلته كثيرون وكثيرات



صلواتهم هى التى تضبط على أعمالهم ورغباتهم



وليس العكس



هو الآن يريد النوم



وماذا عن الصلاة



ليست مشكلة عندما أستيقظ ساصلى



ومتى ستستيقظ



عندما أخذ كفايتى من النوم



وماذا عن الصلاة ستضيع عليك صلاة العصر او



المغرب او العشاء (وقت صلاة العشاء حتى



منتصف الليل تماما وليس حتى الفجر او حتى



الساعة 12 فالوقت يختلف صيف وشتاءا)



لا مشكلة عندما أستيقظ سأصليها



ولكن هنا حقا المشكلة



تاخير الصلاة والقيام لها بتكاسل من صفات



المنافقين



ومن يؤخر الصلاة بدون عذر بل ويضيعها فهو



من أهل ويل



وادى فى جهنم



نعم يصلى ولكن يصلى على مزاجه كما يريد هو



وليس كما يريد الله



كانه يقول لنفسه مش يحمدوا ربنا إنى بأصلى



مع إنه هو الذى فى أشد الحاجة لهذه الصلاة



وربنا مش محتاج لعبادته ولا لعبادة اى مخلوق




من مخلوقاته



(يمنون عليك أن أسلموا قل لا تمنوا على إسلامكم



بل الله يمن عليكم أن هداكم للإيمان إن كنتم



صادقين)



المشكلة هنا إن البنت تلاقى عدم إلتزام خطيبها



من البداية فى صلاته



وتتغاضى عنه وممكن تقول لنفسها بكرة إن شاء



الله يعقل ويلتزم فى صلاته ويحافظ عليها



مين قالك الكلام ده



إنتى تعلمى الغيب



واحد وصل لمنتصف العشرينات أو الثلاثينات



ولسه مش محافظ على صلاته يبقى تتوقعى منه



إنه يلتزم



صحيح ربك بيهدى من يشاء لكن فى منهم اللى



بينحرف اكتر



يبقى إيه اللى يعرفك إن خطيبك من اللى ربنا



هيهديهم



وتيجى بعد كده تشتكى إنه مش ملتزم فى صلاته



ولا صيامه



طب ما إنتى كنتى شايفة علامات على عدم



إلتزامه من البداية بس كنتى بتوهمى نفسك علشان




ما تصدقيها





















الخلاصة

كل واحدة تشوف عدم إلتزام خطيبها بصلاته او

بيضيعها ومش بيندم على تضييعها يبقى لازم

تراجع نفسها بجد فى إكمالها لخطبتها

وإلا إنتى اللى هتبقى الخسرانة فى حرقة دمك بعد

كده وإنتى بتحاولى تنصحيه علشان يصلى

ولا يصوم

وتقدمى لأولادك قدوة سيئة

وما تقدريش تقولى لهم بابا وحش

وتلاقى نفسك عايشة فى جحيم

بسبب تهاونك من بداية خطوبتك







انا قرات الموضوع وعجبنى وقلت افيدكم

الموقف الثانى

سامر وأحلام راحوا عزومة فى بيت اهله

سامر: إزيك ياخالتى عاملة إيه

الخالة : كويسة ياسامر

سامر : مش قادر اقول لك ياخالتى أنا بانبسط أد

إيه لما بأقابلك

الخالة : الله يكرمك ياسامر بأقول لك ياسامر

عندى طلب منك ممكن تلبيه لى

سامر :أؤمرى ياخالتى

الخالة :ابنى فتحى زى ما انت عارف لسه

متخرج من الجامعة ومحتاج يشتغل وبصراحة

بحث كتير بس مش لاقى فرصة مناسبة

تعرف يابنى تشوف له فرصة عمل عندك فى

الشركة أو توصى زمايلك لو لقوا حاجة أمامهم

يقولوا لك

سامر : من عينيا يا خالتى ده فتحى أعز على من

اخويا






سامر واحلام خارجين من البيت علشان يرجع

احلام بيتها

احلام :خالتك دى طيبة قوى علشان كده إنتى

بتحبها

سامر :أعوذ بالله انا احب الأشكال دى

دى ست جاهلة وبتاعة مشاكل وبتتكلم عن الناس

فى الخير

والشر وتجيب فى سيرة فلانة وعلانة

ومافيش حد سلم من لسانها

احلام :أمال ليه كنت عمال تشكر فيها

سامر: اصل لى مصلحة عند زوجها

فلازم كل ما اشوفها أقول لها كلمتين حلوين

علشان توصى زوجها يخلص لى مصلحتى

أحلام: طب وهتعمل إيه فى موضوع فتحى ابنها

سامر:ياستى هاعمل ودن من طين وودن من

عجين

ولا هاسأل ولا هاوصى ده انا اساسا مش بأطيق

فتحى اروح أشغله معايا فى نفس الشركة وألاقيه

فى وجهى كل يوم

إنتهى الحوار




فين المشكلة





المشكلة نفاق سامر

سامر بيحب مصلحته ولو نافق الناس كلها فى

سبيل مصلحته مش مشكلة

الإنسان ده مايؤمن غدره

لأنه عنده مصلحته هى الأولى

(أنا ومن بعدى الطوفان)

وإنتى لو كملتى معاه هتكونى من اوائل الناس

اللى هتعانى من نفاقه

ولأنه مخادع ممكن يخدعك بالكلام الحلو ويحصل

على اللى هو عايزة وإبقى قابلينى لو حصلتى

على حاجة منه

وفى ستات كتير ياما إتخدعوا من ازواجهم

علشان ياخذوا ذهبهم ويعدوهم أنه الشهر القادم

سيعوضها عنه ولكن يمر الشهر تلو الشهر بدون

أن ترى منه شىء رغم عدم إلتزامه بأى أمور

مالية ترهق ميزانيته

لأنه صعب يعطى إلا إذا كانت الفايدة اللى هترجع

له أكبر بكتير من اللى خسرها

وكمان النفاق ملازم له الكذب

والكذاب مستحيل تعرفى توصلى معاه لبر











الخلاصة

إنتبهى لما تلاقى خطيبك بيجيب فى سيرة الناس

كتير ويشتم ويسب فى الناس وخاصة اقرباءه

فى حين انه محترم امام الناس وخدوم

يبقى إحذرى

لأنه كده هييجى الدور عليكى بكرة وتبقى زيهم

بالنسبة له

وقت الأزمة ما تلاقيه جنبك بل ممكن تلاقيه اول

أعدائك


تابعونى

ليلة الملكة أو عقد القران

خلصت الحفلة

وهتبدا حفلة تانية فى البيت عند العروسة

حفلة عائلية

دخلت العروسة

لبست فستان ضيق شوية ناعم وبسيط و سرحت

شعرها وسشورته

وتزينت تزين بسيط وخرجت للعريس وسط

أخواته وأمه وأهلها

لما شافها

سامر :أيوة كده المستخبى بان والفضايح بانت

احلام :مصدومة........

سامر :طلعتى معصعصة هههههه

أحلام مازالت فى صدمتها ولكنها

بلعتهاوإضطرت تضحك علشان تخلص من

الموقف المحرج ده وإخوات العريس تداركوا

الوضع وغيروا الموضوع

تانى يوم العريس جه وجايب معاه شنطة كبيرة

أحلام :إيه اللى فى الشنطة

سامر: جبت لك هدية

أحلام بفرحة وترقب للهدية:....عايزة اشوفها

سامر :يفتح الشنطة ويفرغ محتوياتها

أحلام بعدم إستيعاب لمحتويات الشنطة :...إيه

ده؟؟؟

سامر :أبدا ياستى دى شوية كريمات تفتيح اصلك

سمراء شوية وانا كان نفسي فى واحدة بيضاء

زى نانسى عجرم

ودى كريمات فرد وتنعيم للشعر أصلى بأحب

الشعر السايح

ودى أدوية لفتح الشهية وزيادة الوزن أصلك

رفيعة أوى ومش عاجبنى الكلام ده

إنتهى الموقف



إيه المشكلة هنا

المشكلة سيادة الأستاذ سامر وافق على عروسته

لكنه مش راضى بها كما هى فعايز يغيرها تغيير

شامل حتى تجارى الصورة التى فى ذهنه

وكمان مش بيهتم بمشاعرها تجاه رغباته تلك فهو

لا يأبه لمشاعرها عندما يعبر عن الأمور التى لا

تعجبه فيها

صراحة امام الجميع

لا مانع ان يعبر عما يريد ويحب ولكن بعد أن

يظهر لكى أنه يتقبلك كما أنتى وبعد ذلك يظهر

لكى ما يفضل على وجه الإستحباب وليس الإجبار

والا يكون سبيله فى تغييرك هو تحطيم ذاتك

وثقتك فى نفسك بإستمرار فما اكثر الرجال الذين

يدمرون نفسيات زوجاتهم كل يوم يتعليقاتهم

المستفزة على النساء المتبرجات اللاتى يظهرن

على شاشة التلفاز ويقارنون مقارنات مستفزة

بينهن وبين زوجاتهن فتجد الزوجة تسعى بشكل

مهووس لتغيير نفسها حتى تصبح مثل الممثلة

الفلانية وأخرى العلانية

حتى تصبح فى النهاية مسخ لا يمت للجمال بصلة

غيرى نفسك لأجل نفسك لتزيد ثقتك بنفسك

وتشعرين بالرضاء عنها

ولا تسعى وراء التغيير المهوس من أجل احد

فالناس مهما فعلتى لهم لن يرضوا عنك فإفعلى ما

يرضى ربك ثم يرضيكى


الخلاصة






إحذرى من هذا النوع







فأنتى إن إستسلمتى له من البداية ليجعلك نسخة







مما يريد هو







وإنطلقتى معه فى الحرب التى أعلنها على







جسمك وذاتك فستفقدين ذاتك الحقيقية وفى نفس







الوقت لن تصلى لما يريد هو ووقتها ستكونين







بقايا إمرأة







لاهى حصلت على ماتريد ولا هى بقيت كما كانت







إمرأة







وهذا الشخص الذى غيرتى من اجله عندما يرى







محاولاتك الفاشلة للتغيير








سيتركك ليبحث عن اخرى تحقق الصورة التى







فى ذهنه







لا تتنازلى عن ذاتك وشكلك







ربك خلقك هكذا وهو اعلم أن شكلك هذا وطبيعتك







هذه هى الاكثر ملائمة لكى







كونى معتزة بنفسك وبجسدك كما أنتى








فإما أن يرضى بكى كما انتى








فأنتى ايضا لديكى ما يميزك عن النساء الأخريات








وإما ألا يرضى عنك كما أنتى فمع السلامة






فليذهب ليبحث عما يريد فى مكان آخر

الديوث

جه العيد وسامر إشترى لأحلام هدية بمناسبة



العيد طقم خروج

وطلعه لها علشان تتفرج عليه وتقيسه




فوجئت إن الطقم ضيق وملاصق للجسم




احلام :إيه ده ياسامر الطقم حلو بس شكلك




هترجعه وتجيب مقاس اكبر

سامربنظرة إعجاب:ليه ده جميل أوى عليكى




أحلام :ايوة ياسامر بس ضيق وماينفعش أنزل




الشارع به حرام




سامر :إيه اللى حرمه هو مش بكم وطويل




خلاص يبقى مش حرام




أحلام :بس ياسامر....




سامر:من غير بس إيه يا احلام هو مش مفروض




تطيعى زوجك وانا دلوقتى فعليا كاتب كتابك يبى




زوجك وانا باقول لك انا عايزك تبقى تلبسى الطقم




ده لأنه عاجبنى





أحلام:خلاص زى ما إنت عايز





سامر :أيوااا كده دى خطيبتى ومراتى المطيعة





اللى بأحبها






جه سامر ياخذ أحلام علشان يخرجها فى العيد




لقاها لابسة لبس واسع وجميل ومحتشم





راح نظر لها بنظرة كلها إستياء وضيق




سامر:إيه ده يااحلام إيه اللى إنتى لابساه ده




أحلام ببراءة :إيه ياسامر طقم العيد اللى انا




إشتريته ها إيه رأيك فيه؟؟؟ مش جميل أوى ده عجب الكل




سامر :إيه الرجعية دى بقى بذمتك فى بنت فى




العشرين تلبس اللبس ده




أحلام :ماله اللبس ياسامر بالعكس ده شيك اوى




وعجب كل اللى شافوه وسألونى كمان على





المكان اللى إشتريته منه





سامر :لالا انا مش ممكن انزل معاكى وامشى




جنبك وإنتى لابسة اللبس ده





ده كانى خاطب واحدة أكبر منى بعشر سنين





أحلام بحزن ويأس :طب إيه اللى يرضيك




سامر بنظرة المنتصر:إلبسى الطقم اللى إشتريته





ليكى





أحلام بضيق :بس ياسامر ده ضيق




سامربحزم: من غير بس هتلبسيه ولا هتنكدى




علينا ومافيش خروج النهاردة





أحلام بيأس وإستسلام : خلاص هالبسه



خرجوا وراحوا يتمشوا




طبعا





احلام تعرضت لمعاكسات كتير وهى ماشية






والأستاذ ماشى جنبها نافخ نفسه زى الطاووس





ورجعوا البيت كانت أحلام مقررة بينها وبين






نفسها إنها مش ممكن تلبس الطقم ده تانى وكانت










معتقدة إنه خطيبها هو كمان هيقول كده





بينما فوجئت بإن الاستاذ بيقول لها: عايزك كل ما




اخرج معاكى تلبسى نفس الطقم


فين المشكلة؟؟؟








الدياثة








مشكلة خطيرة








يعنى الرجل الذى لا يغار على محارمه وحرماته








سامر وزيه للأسف كتير مش بيكتفى إنه يتمتع







بجمال خطيبته أو زوجته لوحده









لأ بيبقى عايز يتفاخر بإن الانثى الجميلة دى هو








وحده اللى فاز بها








وطبعا علشان فخره يبقى له معنى لازم يظهر








للناس الجمال ده علشان فعلا يصدقوا إنه هو اللى







فاز









ولو حاولت هى تستر مفاتنها يبقى الويل وكل








الويل لها








لأنها هتحرمه من الشعور ده







الخلاصة









خافى من ربك وما تطاوعى اللى زى سامر ده









لأنه النهاردة واقف معاكى وبيشجعك على







الإهتمام بجمالك وإظهاره لكل العيون








لكن بكرة لما تفقدى جمالك ده








هيكون اول المتخلين عنك علشان يشوف مانيكان








جديدة يتفاخر بها








ويوم القيامة هيكون اول المتخلين عنك عند








السؤال وهيقول لك كما قال الشيطان








للإنسان:"كمثل الشيطان إذ قال للإنسان اكفر فلما








كفر قال إنى برىء منك إنى اخاف الله رب








العالمين .فكان عاقبتهما أنهما فى النار خالدين








فيها وذلك جزاء الظالمين "







أعرف بنات للإسف بدأوا رحلة التنازل عن








الحجاب الشرعى









علشان يرضوا خطابهم بعد ما كان لبسهم إسدال







واسع يغطى كافة جسمهم








أصبح الحجاب يتقلص رويدا رويدا حتى صار








طرحة صغيرة تكاد تكفى غطاء الرأس دون ستر








للصدر وبلوزات وتنورات ضيقة تظهر اكثر مما








تخفى









وفى النهاية كان مصيرهم الطلاق بعد سنة واحدة








لأن مثل هذا لا يخاف الله ومن لا يخاف الله لن








يراعى الامانة التى اوصاه الله بها








فإتقين الله فى انفسكن وراجعن انفسكن قبل








التورط مع هذه النوعيات المشينة

تابعونى

الحماة



أحلام وسامر نزلوا مع أسرتيهما لإختيار

الشبكة

أحلام :الطقم ده حلو قوى ياسامر

سامر:ها ياماما إيه رأيك فيه

أحلام بنظرة ضيق لسامر وترقب

منتظرة رد حماتها


أم سامر :لا ياسامر ده مش شيك

خالص وكمان شكله غالى

سامر:خلاص يا احلام إختارى طقم

تانى وإختارى إنتى كمان ياماما إنتى

ليكى خبرة فى المواضيع دى

كل ما تختار أحلام حاجة ما تعجبش

حماتها المصونة وسامر مؤيد لوالدته

على طول الخط

وإختارت الحمى طقم عجبها والاهم

مش غالى أوى

أحلام :بس ده مش عاجبنى ياسامر

ذوق ماما على عينى وعلى رأسى

بس

انا بأحب الحاجات الرقيقة وفى نفس

الوقت فيها فصوص لكن ده سادة

وضخم

أم سامر :إيه يا أحلام الذوق ده وبعدين

اللى إنتى عايزة تشتريه ده لما تيجى

تبيعيه يخسرك أوى

سامر خلاص ياماما هنشترى اللى

حضرتك قلتى عليه

أحلام :ساكتة بغيظ والم وحسرة

نفس اليوم بالليل

أحلام تتحدث مع سامر فى التليفون

سامر :مبروك عليكى الشبكة يا أحلام

أحلام بضيق:سامر هو والدك ووالدتك ساعدوك فى شراء الشبكة

سامر لأ طبعا ياحبيبتى أنا اللى دفعت

ثمنها من فلوسى

أحلام بضيق اكثر :طب الشبكة

دى إنت شاريها لوالدتك

سامر بعدم فهم لكلام احلام الغير

واضح:لا طبعا ياحبيبتى دى هديتك

إنتى

أحلام تنفجر :طب لما هى هديتى انا

وانا اللى هالبسها وهتبقى حاجتى أنا

ليه كنت مهتم برأى والدتك فيها وغير

مهتم برأيى تماما فى الحاجة اللى

هتبقى ملكى لوحدى

وليه إشتريتها على ذوق والدتك

سامر بدأ يظهر غضبه:علشان امى

عندها خبرة اكتر منك فى المواضيع دى

يعنى هى إختارت لك حاجة كويسة

ولما تبيعيها ما تخسريش فيها

أحلام :انا مش زعلانة من شراء الذهب

زى ما انا زعلانة من موقفك نفسه

والدتك على عينى ورأسى ورأيها

يهمنى لكن مش فى المقابل

تمسحنى تماما علشان ترضيها وخاصة

عندما يتعلق الأمر بشىء يخصنى

وحدى

سامر:أحلام أنا مش هأسمح لك

تنتقدى والدتى فى شىء وإيه رأيك

بقى من هنا ورايح كلمة ماما هى

اللى

هتمشى عاجبك عاجبك مش عاجبك

إخبطى راسك فى الحيط


المشكلة




سامر وزيه للاسف كتير بيفهموا بر


الوالدين بشكل خاطىء


بر والدته واجب ولكن عليه مراعاة

زوجته أو خطيبته أيضا

عليه ان يتعلم الدبلوماسية فى التعامل

مع الطرفين

ويتعلم متى ينصر والدته ومتى ينصر

زوجته


ليس فى جميع الأحوال الأم أو الأب

يكونون على صواب



فى مثل هذا الموقف سامر لم يأبه

لأحلام ورغباتها رغم أنه من حقها


إختيار ذهبها لأنها هى من ستتزين به

ولكن سامر منصاع تماما لوالدته ورفض

ان يأخذ بالإعتبار رأى أحلام أو

حتى يوفق بين رايها ورأى والدته

هنا نقطة خطر

هذا الرجل بعد الزواج وخاصة لو تم

الزواج فى نفس بيت العائلة

قد يظلم زوجته كثيرا وربما دائما ولا

ينصرها حتى ولو بينهما

وهذا الحال يصيب المرأة بدمار نفسى

شامل

لأنها تفتقد الأمان الذى يجب ان تشعر

به مع زوجها


فالمصيبة هو لا يشعر بظلمه من

الأساس بل يعتقد أنه هو على صواب


وان زوجته عندما تشعر بالضيق

او تشتكى فهى الظالمة لأنها تحرضه

على عصيان والدته






الخلاصة






عندما ترين تدخل حماتك فى شئون

زواجك بشكل كبير وسلبية خطيبك

امام ذلك أو حتى أضعف الإيمان

لا يواسيكى بينكما فإحذرى وفكرى

جيدا لأن هذا مؤشر على عدم

إستقلاليتك بعد الزواج وانك ستتزوجين

حماتك قبل زوجك وأن كلمتها هى

التى ستطاع مهما كانت رغباتك انتى


فإن كان عندك إستعداد ان تكونى تابعة

طوال عمرك لأخرى لا تربطك بها صلة

سوى رغبتك فى إرضاء زوجك وتتحلين

بالصبر والدهاء فتوكلى على الله

وأتمى زواجك بهذا الشخص


أما إذا كنتى كغالب النساء لا


تستطيعين أخذ حقك وتلجأين للبكاء


عند المشاكل فأنصحك بفك خطبتك

بذلك الشخص وإنتظرى أن يعوضك الله


من هو خير منه

تابعونى

البخيل


والد احلام ميسور الحال جدا ولا يبخل على أولاده

بشىء ابدا لذا تعودت احلام على الاسراف والبذخ

فى حياتها

وجاءها عريس ايضا حالته ميسورة ويعمل فى

وظيفة دخلها ممتاز


سامر:إزيك يا أحلام عاملة إيه النهاردة

أحلام :كويسة الحمد لله ياسامر

سامر :مارنتيش ليه عليه النهاردة زي عادتك ؟؟

أحلام اصل رصيدى خلص ومانزلتش خالص علشان

اشحن


سامر:خلاص انا هأشحن لك


احلام لا ياسامر شكرا بابا لسه معطينى المصروف

ومعايا فلوس بس انزل بس وإن شاء الله أشحن


سامر لا ماتقوليش كده دى حاجة بسيطة يابنتى

هو أنا عندى اغلى منك




أحلام مستنية الرصيد اللى هيشحنه لها خطيبها

جت الرسالة




تم شحن رصيدك بعشرة جنيهات



هو ده الرصيد اللى شحنه ليا

سامر:ها ياحلام الرصيد وصلك ياحبيبتى


أحلام:أيوة ياسامر بس الظاهر فى غلطة الرصيد

ماوصلش كله


سامر :معقولة وصلك كام


أحلام عشرة جنيه بس


سامر :طب ماهو وصل كله يابنتى كده


أحلام::هو إنت شحنت لى بعشرة جنيه بس

سامر: ايوة ياحبيبتى هو إنتى محتاجة اكتر من كده

مش كفاية عليكى العشرة جنيه

أحلام بسخرية:ماشى ياسامر كفاية أوى ويقضوا

الشهر


موقف آخر

سامر يريد النزول لشراء ملابس له وطلب من احلام

ان تنزل معه


سامر :مارايك فى هذا الحذاء؟


أحلام:ايوا ياسامر بس شكله اى كلام يعنى مش

خامة نضيفة


سامر:ايوا بس تمنه حلو أوى


احلام: لا ياسامر ده مش شيك خالص تعالى

نشوف حاجة احسن


بص ده شيك اوى


سامر بصدمة :إيه ده ...ده غالى قوى ده ب120

جنيه:

احلام:بس ده مش غالى ياسامر وبعدين خامته

كويسة وشكله شيك اوى


سامر: لا ياستى تعالى نشوف مكان تانى شكل

المحل هنا غالى أوى:


اشترى سامر حذاء ب40 جنيه وطبعا دخل فى

جدال شديد مع احلام من اجل شراء القمصان

والبنطلونات وإنتهى فى النهاية إلى شراء قميصان

رخيصان رغم انه محتاج إلى أكثر من ذلك وبنطلون

واحد يليق بالقميصان


أحلام : مش هتشترى لى حاجة أنا كمان


سامر :هو انا مش لسه جايب لك طقم خروج فى

العيد اللى فات

أحلام بضجر: أولا ده كان من 6 شهور ثانيا الطقم

لأنه رخيص جدا داب من لبستين بس

سامر:ماهو اصلك مش بتعرفى تحافظى على

حاجتك


أحلام: وبعدين من الآخر هتجيب ولا لا


سامر :ماعلينا خلاص هاجيب

بصى بصى ده محل فيه فى ملابس لقطة بعشرة

جنيه

يلا ياستى أدخلى وعيشى حياتك جوة يلا هاتى

لك طقمين وإفرحى بيهم


أحلام:..............






فين المشكلة



المشكلة استاذ سامر بخيل جلدة


على نفسه وعلى غيره



بس هنا لازم نوضح شوية امور ونفرق بينها



1:الفرق بين البخيل والمقتصد



البخيل سواء ربنا فاتحها عليه زى سامر او حالتة

المادية صعبة

على طول مضيقها عليه وعلى من حوله


لكن المقتصد بيدبر اموره ويمشى على ادها

طول ماهى حالته المادية صعبة لكن كل ما حالته

المادية تفتح بيفتحها هو كمان على نفسه وعلى

من حوله

وبعدين ممكن يكون مضيقها لأنه عنده هدف

بيسعى لتحقيقه مثلا يشترى شقة أو عربية

فبيوفر علشان الهدف ده وبعد كده يرجع لحالته

الطبيعية


2:طبيعة الشخص المقابل




قد يكون الشخص طبيعى ليس بخيل ولكن ظروفه

صعبة فى حين ان الطرف الآخر مبذر جدا لدرجة أنه

قد يتداين من اجل ان يقوم بعزومة

فى هذه الحالة قد يتهم المبذر الطرف الآخر بانه

بخيل

لأنه من وجهة نظره تصرفاته تدل على البخل فى

حين أن العقل يرى أنها ليست بخل ولكنها تصرف

بعقل



وقد يكون الطرف الآخر طبيعى جدا وأيضا قد يكون

من النوع المقتصد ولكن البخيل قد يتهمه مع ذلك

بالإسراف لأن البخيل تكاد تطلع روحه مع كل جنيه

يصرفه


إذا اوضحنا بعض الامور


ويبقى ان البخيل من اصعب الشخصيات التى يمكن

ان نحيا معها

لأن المال يتحكم فى أمور كثيرة فى حياتنا

وعندما يكون المال متوفر ولكن يمنعه عنك البخيل

تشعرين بضيق شديد وهم كبير نتيجة حرمانك من

امور كثيرة وليس الامر لأنه هذا رزقك ولكن لسوء

طبع ذلك الشخص



الخلاصة


ركزى جيدا فى تصرفات خطيبك قبل الزواج فلا

البخل تستطيعين العيش معه ولا التبذير يصلح فكلا

الأمرين مؤلم ويهدم بيوت كثيرة

فالبخيل يعيشك فى حرمان شديد

والمبذر لا يتحمل مسئوليات كثيرة وربما يأتى اليوم

الذى لا تجدى فيه لقمة تاكليها نتيجة التبذير

أى لا تشعر بالامان معه لأن إيده كما نقول عندنا

فى مصر مخرومة


التبذير ربما يمكن إصلاحه ولكن البخل صعب جدا

جدا إصلاحه

وإن كنتى من المبذرين او ذوى الحالة الميسورة

وتعودتى على الإنفاق بيسر وسهولة وجاءك من

هو مقتصد أو بخيل فراجعى نفسك لأنك فى الغالب

لن تستطيعى التكيف طويلا معهما

تابعونى يا قمرات

الخائن وزير النساء




أحلام بدأت التحدث مع خطيبها سامر عبر


النت وفجأة رن تليفونه فقال لها:

سامر:أحلام انا هاقفل دلوقتى أصل فى تليفون

مهم وعايز أرد عليه

أحلام:طب ما ترد عليه وانا هأستناك لغاية ما تخلص

سامر :اسمعى كلامى أنا ممكن أطول فى

المكالمة لما أخلص هأتصل بيكى

أحلام: طب هأستناك مش هأنام قبل ما تتصل


وتنتظر أحلام المسكينة ساعة ساعتين ثلاث أربع

النوم غلبها ونامت استيقظت الفجر وفوجئت فسامر

لم يتصل بها كما وعدها حزنت واستاءت من تصرفه


كلمته وأنبته وإعتذر لها بأنه نسى أن يتصل بها

وأخبرها انه سياتى اليوم ليصالحها بنفسه


تجهزت أحلام وجاء سامر وصالحها وجلسا معا

حتى أراد الدخول للحمام ونسى ان يأخذ موبايله

معه

تيت تيت تيت

جاءت رسالة لسامر

إنتاب احلام الفضول لترى الرسالة التى جاءت

لسامر

وكانت الصدمة

إنها من فتاة ليس لها اسم مسجل على الموبايل

تقول له:

لماذا تاخرت ياسامر على موعدنا إنى أنتظرك

وشوقى يلهبنى من طول الإنتظار

أحبك يا أغلى من فى حياتى


إنهارت أحلام ولكنها تماسكت نفسها

وبدأت فى تفتيش الموبايل لعلها تكون رسالة

معاكسة عابرة

وكانت الصدمة الثانية

إنها ليست واحدة بل هن

خمس فتيات

موبايله ملىء بالرسائل المرسلة منهن ورسائله

هو إليهن

ياإلهى أهذا هو سامر الذى يعشقنى ويحبنى

ويسمعنى جميع انواع الغزل

إن كل واحدة منهن يقول لها الكلام نفسه ويشعرها

بأنها الوحيدة فى قلبه

جلست تبكى وتبكى




خرج سامر وذهل من شكل أحلام

سامر بتوتر:مالك يا احلام فى إيه اللى حصل:

نظر ووجدها تمسك فى يدها موبايله زاد قلقه

وتوتره :ss:

ولكن أحلام لم تمهله حتى يفهم ماذا حدث :


أحلام: ايها الخائن القذر لماذا ؟؟؟؟

ماذا فعلت لك إذا لم

اكن أعجبك لما استمريت معى لماذا أوهمتنى

بأنى حبك الاول والأخير :16: أنا أكرهك أكرهك


سامر صامت ولا يتكلم

أحلام: لا اريد ان أرى وجهك مرة أخرى أخرج من

حياتى





خرج سامر وترك احلام حتى تهدأ

طبعا حال أحلام غنى عن الوصف

حاول سامر الأتصال بها كثيرا ولكنها كانت ترفض

ورفض طلبها فى الطلاق فهما مملكين او مكتوب

كتابهم

استمرا هكذا حتى هدأت حال أحلام قليلا

وقبلت التحدث مع سامر

واقسم لها بأغلظ الأيمان أنها كانت غلطة ولن تتكرر

وسامحينى ولن أكررها وأنا حقا لن أجد مثلك وكلام

كثير لا يسمن ولا يغنى من جوع


هدأت أحلام وقبلت إعتذار سامر:
ولكن اخذت منه وعود وعهود على الا يعود لذلك

وإلا فإنها لن تسامحه ابدا







أين المشكلة




الخيانة

كثيرات يكتشفن قبل الزواج خيانة الخطيب

ولكنها للاسف تسامحه لأسباب عدة وتقبل

الإستمرار معه

اولا دعونا قبل المضى فى شرح الموقف نفرق بين

نوعين من الخونة

أولا الذى يقيم علاقة مع واحدة فقط :هذا فى

الغالب مرتبط عاطفيا بتلك الواحدة ومن الصعب جدا

أن يتركها وحتى لو أقسم لكى فهو سيعود مرة

أخرى لها لأنها تملك عليه قلبه حتى ولو

كانت سافلة


النوع الثانى زير النساء:وهو الذى يقيم علاقات

متعددة ويخرج من علاقة لأخرى وعلاقاته لا تدوم

كثيرا وربما يكون من الذين يكثرون الزواج والطلاق

المهم هو يبحث عن الصورة المثالية فى ذهنه

للمرأة التى يريدها وعندما يظهر شىء من تلك

التى يقيم معها علاقة تهدم تلك الصورة يتركها

ويذهب لغيرها وهكذا

وكلا النوعين من الخطر الإستمرار معه

النوع الأول يسبب لكى الدمار النفسى لأنك فى

حال خيرتيه بينك وبين الأخرى فهو فى

الغالب سيختار الأخرى إلا إذا كان هو أساسا كان

ينوى تركها

والنوع الثانى سيدمرك ويحطم ثقتك فى

نفسك بكثرة علاقاته المحرمة وبإهماله لكى وعدم

شعوره بكى فى حياته فهو قد يكون فى البداية

كان منجذبا لكى لكن ربما رأى منك ما نفى صورتك

المثالية فى رأسه حتى انه ربما يكون ذلك الشىء

الذى نفره منكى أن رأى بقعة أوساخ على

ملابسك يعنى أنكى إن اردتى الإستمرار معه

عليكى أن تعيشى دور المثالية فى كل شىء دائما

وابدا فهو إنسان أنانى بكل ما تحمله الكلمة من

معنى

الذى يخون هو إنسان لا يخاف ربه فهو قبل أن

يخونك قد خان ميثاق ربه معه فإذا كان ربه الذى

هو ربه لم يخف منه فكيف سيخاف على زعلك

وغضبك

وايضا هناك من تقول ربما هذه نزوة شباب وستمر

وبمجرد زواجنا سأنسيه كل هؤلاء الساقطات

أقول لكى كان غيرك اشطر

من تلك التى ستنسيه

تعالى نتكلم بالعقل قليلا

الجميع يتفق على أن اشد مراحل العلاقة

العاطفية بين اى شريكين هى فترة الخطوبة

فالشهوة الجنسية تزيد من لهيب العاطفة بينهما

وكل مجهول وممنوع فهو مرغوب وبشدة

فكيف وهو فى تلك المرحلة التى هى عاطفته فيها

قوية وقد خانك فماذا سيفعل بعد الزواج هل

سيأتى بساقطاته إلى البيت امام ناظريكى

إن العاطفة بعد الزواج تهدا وتسكن

فكرى بعقلك لا بقلبك

هناك من ستقول ولكنه حلف لى بأنها غلطة ولن

يكررها ومن يدريكى بصدقه قالوا للحرامى إحلف

قال جالى الفرج

حبيبتى اتعتقدين أنه لو كان حقا يملك معزة لكى

فى قلبه وحب شديد كان فكر فى خيانتك وأنتما

مازلتما على البر بعد لم يرى منك حتى الآن ما

يسوءه منكى بل يرى كل ما يشوقه فيكى


أفقن من غيبوبتكن ايتها الغافلات





الخلاصة :



إن اسعدك الحظ واكتشفتى خيانة خطيبك قبل

الزواج فاهربى بجلدك من شباك التعاسة والألم

التى لن تتركك فى حالك مهما فعلتى من مجهود

وراجعى شكاوى زوجات الخائنين واعرفى قدر

ألمهن

هذا الشخص حتى لو تاب حقا فأنتى سيظل الشك

يعصر قلبك إتجاهه وينغص عليكى حياتك معه فأنتى

لدغتى منه وتخافين أن تتكرر لدغته مرة أخرى

فتظلين طوال حياتك معه تتقمصين دور المفتش

كورومبو تفتشين وراءه وإن تأخر او أغلق موبايله

بمفتاح سرى أو اى شىء يثير الريبة تفتعلين معه

المشاجرات وتصبح حياتك جحيم

إذا ما الذى يجبرك على كل هذا أختى

لا تقولى الحب

فكل هذه الامور بلا ريب ستقتل حبكما من

اول يوم

راجعى نفسك جيدا وصلى غستخارة فى شان

إستمرارك معه وإستشيرى أهلك ولا تقولى لن

ادخل أحد بيننا فى مشاكلنا هذا لو هى مشكلة

صغيرة لكن هذه مشكلة كبيرة وكبيرة تهدد كامل

حياتك المقبلة ولابد من إستشارة أحد كبير عاقل








إنتهى موقف اليوم اخواتى الكريمات وأتمنى أن

تستفدن منه وتفكرن به جيدا وتحذرن من هذا النوع

dream كتب:

ايه دة يا ادمن ربنا يبعد عنا سامر وامثاله

دة اللى زى ده البعد عنه احسن مالها القاعدة فى بيت ابوكى يا احلام

ههههههههههههههههههههههه

ربنا يرزق كل البنات بالزوج الصالح

موضوع رااااااااااااااااااااااااائع جداااااااااااااااااااااا

تسلم الايادى يا ادمن

ياااارب يا قمر يبعدنا عن الاشكال دى ..
اللهم امين
وفى الاخر احلام هى اللى غلطانه لسه باقيه عليه بعد كل دة ..
شرفنى مروررك الممتع ورايك الامتع يا جميل .
وعيد سعيد عليكى

يسلموا ع الطرح الرااائع

ana 7abibat baba كتب:

يسلموا ع الطرح الرااائع