mahmoud hamza عضو مشارك
رقم العضوية : 119 المهنة : عارضة طاقة : الجنس : عدد المساهمات : 194 نقاط : 292 تاريخ التسجيل : 25/02/2010 العمر : 34 الموقع : www.hamza3a.ahlamontada.net
| موضوع: سناريو لا يتغير فى البيوت المصريه من يوم 25 يناير الخميس فبراير 10, 2011 8:50 am | |
| ها ... الريس اتنحى ولا لأ ؟
حاجة غريبة قوى اللى بيحصل دة ...17 يوم عدوا كلهم زى بعض مافيش جديد[/b]
تصحى الصبح تفتح عينيك تسأل نفس السؤال ...ها الريس اتنحى ولا لأ ؟[/b]
......[/b]
والأجابة : لا[/b]
السؤال التانى : طيب الناس اللى فى التحرير روحوا[/b]
والأجابة : برضوا لا[/b]
تهز رأسك هزتين وتعض شفايفك وتأخذ طريقك للحمام علشان تغسل وشك... ولسانك يستغفر ويدعى ان ربنا يعدى اليومين دول[/b]
على خير[/b]
تشغل التليفزيون شوية على قناة العربية وبعدين ال بى بى سى ...تلاقى ناس بتسب فى النظام والبلطجية وصورة مركزة على ميدان التحرير من بعيد وباين فيها ناس كتير وشريط اخبار ان المئات يتوافدون على الميدان علشان يوم مليونى جديد[/b]
اعصابك تبوظ ... وتقول دى قنوات عميله عايزة تشعللها ، لما اجيب التليفزيون المصرى علشان يطمنك شوية ( زى حنان الأم كدة) بس[/b]
قبل ما تحول تقول ...اشوف الجزيرة اشتغلت ولا لسه ...وانت متأكد ان الجزيرة مش هاتشوف النايل سات تانى بس رجعت تانى امبارح[/b]
وتجيب المصرية ... تلاقى صورة لناس مؤيدين للرئيس مبارك امام مبنى التليفزيون او فى ميدان مصطفى محمود[/b]
وطبعا الصورة من قريب علشان العدد قليل ومش عايزين يبينوا كدة ...فاديلوا كادر قريب[/b]
ونفس المذيع ونفس المذيعة ولسه بيناشدوا كل اللى عايز يطلع من ميدان التحرير ...كل اللى عايز يطلع يقف ويحط ايده اليمين على صدرة ويغمض عينه ويقول الحقنى الحقنى يابن الجنى ...واحنا هانبعتله العفريت ينقذة من الغابة واكلى لحوم البشر اللى فى الميدان[/b]
تهز دماغك تانى وتقول كلام قبيح ... وتقفل التليفزيون وتفتح النت ...ماهو رجع الحمد لله[/b]
وتفتح الفيسبوك (سبب المصايب، اعوذ بالله) اللى لو عم مارك زوكربيرج كان يعرف انه هايكون السبب في كل المصايب دى كان ولع[/b]
فى الكود بتاعه[/b]
وتبدأ تقرأ ال ستاتس بتاعة صحابك ...[/b]
1.غدا جمعة الخلاص
2. بكرة جمعة الأستقرار[/b]
(وده طبعا واحد تعب من كتر ما بيتظاهر )[/b]
3. سيبوا الريس بقى ماهوا ماشى ماشى ...اوف[/b]
4.هاطلع عين ام اللى مش نازل التحرير[/b]
5 الحب يأتى مره واحد فى العمر [/b]
(وده طبعا واحد ماعملش ابديت لل ستاتس من ساعة ما قفلوا النت ) والحمد لله[/b]
6 هاطلع عين ام اللى هاينزل التحرير
7 ياجدعان بيقولوا ان فى شجر بيتكلم وديناصورات حوله بتأكل المتظاهريين فى التحرير[/b]
8 ما فيش حاجة اسمها حب فى الدنيا دى (ودى طبعا نفس حالة رقم 5 وغالبا بترد علية) و
9 هو الفيسبوك اشتغل عندكوا يا جدعان ( وده عيل ابن تيييييت ...غبى بيتعامل مع النت كأنه مية مقطوعة )و[/b]
10 يا احمد رد عليا ...بتحبنى ولا لأ ...قولى بسرعة قبل ما يقطعوا النت تانى[/b]
وفجأة تلاقى استاتس او كومنت يستفذك ...وتدق طبول الحرب فى ودنك ...هجوووووووووووووم[/b]
وتبدأ ترد وتنقد فى واحد نازل التحرير او واحد مش عاوز ينزل (حسب ميولك النهاردة) وتلم الناس علية علشان يشاركوا فى الحرب وتعملوا لايك لبعض لغاية لما يزهق ويسكت او يعمل نفسه اوف لاين لغاية لما يجيب رجالة وييجى[/b]
وشوية ويجيلك صورة من شبكة رصد او كلنا خالد سعيد ...والصورة واحدة من تلاتة[/b]
ميدان التحرير ....شهيد للمظاهرات ...صورة لحسنى مبارك[/b]
ومع الصورة 956 كومنت و 164 لايك[/b]
وتفتح الكومنت وتلاقى خناقة وناس بتشتم بعض ..فتشتم بدورك وتطلع اوتعمل لايك (برضه حسب ميولك النهاردة) وشوية وتزهق[/b]
وتيجى تقفل النت ..تلاقى صاحبك اللى كان عامل نفسة اوف لاين جاب رجالة ورجع تانى وبيهزقك[/b]
وتشتموا بعض ..وبعدين تعتذروا ...وكل واحد يقول للتانى ..انت فهمتنى غلط ماكانش قصدى[/b]
وتقفل النت ...وتسأل تانى ..لسه ماتنحاش ...طب الناس اللى فى التحرير ما ممشتش ...[/b]
وأحمد شفيق يظهرلك فى كل القنوات ويحلف ...عزة جلالة الله الريس اتغير وعايز يصلح البلد اقبل مايمشى[/b]
ومذيع او صحفى رخم يقولوا ...وايه اللى يضمنلى ...ويقترح ان حد ينزلهم التحرير[/b]
وشفيق يقول يا ريت[/b]
تقفل التليفزيون وتقول اوف ...لما انزل شوية ، وتبص ف الساعة وقلبك يقع فى رجليك ...الساعة بقت خمسة[/b]
الحظر جه ...الحظر جه[/b]
وعلى مزيكة ميشون امبوسيبل ...تتحول وتلبس وش الرجل الذئب ...وتطلع السكينة من تحت السرير وتنزل ع الشارع[/b]
تلعب دورك فى مهزلة اللجان الشعبية ... لحماية مصر من اللصوص والعصابات المتوحشة
ويجيلك واحد كل نص ساعة ويقولكوا ... "يا جدعان ، فى عربية هاتعدى دلوقتى فيها 3 معاهم سلاح وخاطفين عيال...خلى بالكوا " ثم يختفى والا حد يظهر[/b]
وعينك تغفل ولما تيجى تأخد تعسيله ع السريع ...يطلع راجل رخم تانى ..." يا جدعان ، جايين دلوقتى فى عربية فراخ وعملين نفسهم كتاكيت"[/b]
ولا تغيير ... لا العربية بتيجى ولا صوت لكتكوت واحد[/b]
والساعة تيجى تمانية الصبح ...تطلع تنام علشان
تصحى الصبح تفتح عينيك تسأل نفس السؤال ... ها الريس اتنحى ولا لأ ؟[/b]
والأجابة : لا
عالطول السؤال التانى : طيب الناس اللى فى التحرير روحوا[/b]
والأجابة : برضوا لا[/b]
تهز رأسك هزتين وتعض شفايفك وتأخذ طريقك للحمام علشان تغسل وشك...[/b]
وفى انتظار النهاية......[/b]
| |
|
زهور الحب عضو فعال
رقم العضوية : 155 المهنة : عارضة طاقة : الجنس : عدد المساهمات : 1859 نقاط : 2930 تاريخ التسجيل : 02/03/2010 العمر : 35 الموقع : http://tearssoma.7abibomri.com
| موضوع: رد: سناريو لا يتغير فى البيوت المصريه من يوم 25 يناير الخميس فبراير 10, 2011 2:48 pm | |
| ههههههههههههههههههههه اسلوب بجد روعه وبيعبر عن حياتنا بعد التغيير | |
|