عينّه تنـآظر * بس ْ قلبـَه مسّكـر ! ..

مدخل ..

ألحين حي وعقب ماتروح تمثال
لــ نّي بعد ماتغيب بموت واقف

[size=16]وصل..وفراق..وهم تحقيق الآمال
أشياء على سطر الشّعر دوم تذكر

كم واحد ٍحبر الغلا فيه مازال
وكم واحد ٍشاف المكان وتذكّر

جذع نخلة..بير اندفن..تالي اطلال
ويقول من عقبه زماني تعكّر

وكم واحد ٍوصّف غرامه بالاشكال
كنّه على لوحة رسومات فكّر

عود ٍمع كل نسمةٍ بالهوا مال
وثغرٍ حمر في طعم لذّته سكّر

وكم واحدٍ يسهر على هقوة ارسال
يجرح ابهامه كان خطّه تسكّر

وهذا على ناره يزيّن له دلال
كيفٍ يقنّد به ولا هو بـ يسكر

يذكر..رسوم اللي طراله على بال
ويذكر..مواقف كان منه يتشكّر

وهذا مساري ليلته بيت رجال
ياقف بعيد وقبل ياقف تنكّر

خابر بوسط البيت لبّاسة الشال
من دونها عمٍ يبيها امبكّر

ذولا ضحايا عشق في كل الاحوال
مافيهم اللي قبل عشقه امفكّر

لاواهني اللي عشق راحة البال
عينه اتناظر بس..قلبه امسكّر

مخرج ..

لوطحت من عينك مقدّر ومقسوم
يمكنّي ألقى في ذرى رمشك ظلال

ولو بتناديني مجرّد ومعدوم ؟؟
عادي .. لأنّي من الحزن صرت تمثال

تبيّن أوجاع الفقر .. عين محروم
ويبيّن آثار الحزن .. دمع رجّال

[/size]