منتـــــــــــــــديات فن الابداع

منتـــــــــــــــديات فن الابداع

{ أهلاً وسهلاً بك يا& زائر& منور المنتدى ونتمنى لك جولــــــــــــــ سعيده وممتعه ــــــــــــة }
 
الرئيسيةالبوابةاليوميةمكتبة الصورس .و .جبحـثالتسجيلدخول
أفضل 10 أعضاء في هذا المنتدى
Admin
 
زهور الحب
 
همسة دلع
 
theknight
 
haitham elzamalekawy
 
طوق الياسمين
 
ضي القمر
 
yuri
 
red Rose
 
عاشق أللؤلؤة
 
المواضيع الأخيرة
» فراغ فراغ فراغ
الأربعاء يونيو 27, 2012 1:55 am من طرف Admin

» تقدم اقووووووووووى العروووووووض واحدث الموديلات ( تورست كار)
الثلاثاء مايو 22, 2012 12:04 am من طرف Admin

» تورست كار لإيجار السيارات والليموزين والخدمات السياحية
الأربعاء مايو 09, 2012 1:31 pm من طرف كار ليموزين

» 25 خطوة عملية في زيادة الثقة بالنفس
الأربعاء أبريل 25, 2012 12:07 am من طرف Admin

» لجنة الانتخابات الرئاسية تستبعد أحمد شفيق من الترشح
الثلاثاء أبريل 24, 2012 11:58 pm من طرف Admin

»  مساج الأطفال
الأربعاء أبريل 18, 2012 8:13 pm من طرف Admin

» اشتري مصري انت مصرى
الأربعاء ديسمبر 14, 2011 1:19 pm من طرف Admin

» عامر منيب فى ذمة الله بعد صراع مع المرض
السبت نوفمبر 26, 2011 12:13 pm من طرف Admin

» وفاة طلعت السادات رئيس حزب مصر القومى
الأحد نوفمبر 20, 2011 1:46 pm من طرف Admin

» مواعيد الانتخابات البرلمانية والأعادة لكل محافظات مصر
الخميس نوفمبر 17, 2011 9:23 pm من طرف Admin

» هل تعلم سبب لبس خاتم الخطوبة في الاصبع الرابع
الأربعاء نوفمبر 16, 2011 11:15 pm من طرف Admin

» تغير الارقام لجميع ارقام الهواتف
الخميس أكتوبر 06, 2011 11:35 pm من طرف Admin

» اللهم امين
الإثنين أكتوبر 03, 2011 11:45 am من طرف Admin

» انظروا ماذا فعلت حين امرها الشيخ ان تخلع كل ملابسها...عبره لنا ..
الجمعة سبتمبر 16, 2011 11:21 pm من طرف Admin

» أحيانا أرى حلمــا
الخميس سبتمبر 15, 2011 4:30 pm من طرف Admin


شاطر | 
 

 نفسى اذاكر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mahmoud hamza
عضو مشارك
عضو مشارك
avatar

رقم العضوية رقم العضوية : 119
المهنة المهنة :
عارضة طاقة عارضة طاقة :
70 / 10070 / 100

الجنس الجنس : ذكر
عدد المساهمات عدد المساهمات : 194
نقاط نقاط : 292
تاريخ التسجيل تاريخ التسجيل : 25/02/2010
العمر العمر : 27
الموقع الموقع : www.hamza3a.ahlamontada.net

مُساهمةموضوع: نفسى اذاكر   الإثنين أكتوبر 25, 2010 11:08 am


ليه البني ادم بيذاكر؟
عشان يمتحن..

وليه البني ادم يمتحن؟
عشان يدخل مرحله جديده ..ويذاكر فيها برضو ..

طب ولما يدخل المرحله الجديده يعمل ايه؟
يذاكر بقي عشان يوصل للي بعدها!!

مين اللي اخترع المذاكره؟
اكيد واحد كان بيحب يذاكر..

ومين اللي اخترع الامتحانات؟
واحد كان عايز يغيظ اللي بيحب يذاكر..

ايه الفايده من المذاكره؟
انك تخلص اقلام وورق وتشخبط ف الكتب وتعمل دواير عند الكلمات المهمه

وايه الفايده من الامتحانات؟
انك تملي ورق الحكومه وتوريهم جمال خطك

طب وهو لازم اذاكر؟
في الوقت الحالي مش لازم..بس اكيد لما تعيد السنه هتبقي عيل وترجع ف كلمتك

ليه الدكاتره بيدونا كتب ف الكليه؟
عشان نلاقي حاجه نشخبط فيها

طب وليه بيقرروا علينا مواد سخيفه؟
عشان وانت بتشخبط تشخبط بضمير

طب مهو ممكن بعد كل ده اشيل الماده؟
مانت شخبطت للدكتور ف كتابه..عايزه يسكت..قله ادب

طب اعمل ايه عشان انجح؟
امسك ورقه الاجابه وارغي

ارغي ف ايه؟
مش مهم..المهم تبقي مسطر وخطك نضيف واول سطرين كده تبع الموضوع اللي بيتكلموا فيه والباقي انت ومزاجك

طب والرغي ده مش حرام؟
يعني هو اللي بيقرروه علينا ده مش حرام



طب هو مين اللي بييجي الاول ..المذاكره ولا الامتحانات؟
يعني هو التعلب بيبيض ولا بيولد؟

لا بس التعلب مكار ممكن يعمل اي حاجه
والامتحانات كذلك..!


كانت شويه اسئله بحاول الاقي بيها سبب يخليني اذاكر

اكتشفت ان البني ادم بيقضي جزء كبير من حياته ف الشيء اللي اسمه مذاكره..اسمحولي اعامله بنوع من الاحتقار..
مذاكره ايه بس وكلام فارغ ايه..هو احنا فاضيين
طب انا راضيه ذمتك
يعني الواحد يصحي م النوم ع الساعه 12 ونص 3 كده يادوب يغسل وشه ويضرب النسكافيه المتين هوب الساعه بقت خمسه ..وانت لسه يا عيني علي لحم بطنك..ف طبيعي تروح بصفاقه كلب البحر تدور علي اكل..

غالبا هتسمع كلمتين وهتعمل عبيط وكأنك مسمعتش حاجه..ما انت نايم طول اليوم وصاحي المغرب وعايز الخدامين يجهزولك الاكل يا سعاده البيه..
المهم..بعد ما تاكل وتعمل الشويتين دول..هوب الساعه بقت 7..تصلي وتشوف مين رن عليك وتعمل كام مكالمه..الساعه بقت 9..في مسلسل دلوقتي ع التليفزيون..(غالبا مسلسل تركي م اللي بيقعدوا 4000 حلقه دول والممثلين هم هم لا حد كبر ولا عجز ولا جراله اي حاجه)والحلقه بتقعد ساعه.,.يعني تخلص الساعه 10
الله..مش ده معاد العاشره مساءا..لا اتفرج بقي
(اصل الثقافه حبكت..وبالذات ايام الامتحانات)ما علينا..
تخلص البرنامج علي 11 ونص كده..تفتكر ان دلوقتي كل اصحابك متجمعين اونلاين..هقعد ساعه ولا ساعتين وهقوم اذاكر علي طول..طبعا..هأو
ومابين شاي ونسكافيه واكل جنب الكمبيوتر ..واحيانا تسمع ع القهوه عشان تستفيد من احمد يونس شويه..وطبعا نجوم اف ام علي كيفك..تبص تلاقي الساعه بقت 3..اوباااااااا انا لسه مذاكرتش
رجعنا لموضوع المذاكره(تصدق انا كنت نسيت برضو اننا بنتكلم عليها)..احم احم..
اذاكر ايه ولا ايه
تحط كل الكتب قدامك..
ممممممم لاياعم بلاش ابدأ بده..عايز حاجه تفتح النفس!
ولا ده ييييييييييييييه ..ده دكتور نكد
وده بقي ..لا لا مليش مزاج..الغلاف شكله مش عاجبني

علي ما تخلص تناكه علي كتب الكليه تكون عدت بالقليل نص ساعه..تكون اخترت الكتاب بقي اللي هتنزل عليه تاكل الورق من كتر المذاكره
الله..طب مش هتصلي الفجر..دانت حتي ف ايام امتحانات عشان ربنا يباركلك..تروح تصلي الفجر وترجع..اما ابص بسرعه كده ع الفيس بوك ..يمكن حد بعتلي حاجه مهمه(علي اساس انك عمر الشريف)..تدخل ع الفيس بوك..وسبحان الله..متلاقيش حاجه مهمه..شوف انت بقي..بيفتح السمكه..ههههههههههه ملقاش الخاتم..احم احم
تقوم محترم نفسك ولا هذاكر سيبوني بقي..لأ تؤجل عمل اليوم الي كمان شويه..بس المشكله ان الساعه بقت 6 الصبح..تفتكر هعرف اركز؟..هحاول

تقعد قدام الكتاب..تقعد قدام الكتاب..تقعد قدام الكتاب(مهو كل اللي انت بتعمله انك بتفضل تقعد قدام الكتاب)..وبعدين..لا انا زهقت بقي ومش عارف اركز....الساعه دلوقتي 7ونص هدخل انام واصحي فايق بقي واخد اليوم من اوله
..
كل ده فى 3 ايام الاجازه اما بقى فى التلاته التانين فى الواحد يدوب
بيروح الكليه علشان يشوف اصحابه ويشخبط فى
الكتب واهو بالمره يشوف اجدد ازياء الموضه
....
اما الجمعه فده بقى الاجازه و مينفعش الواحد يجى على نفسه
ويزاكر فيه ده حته يبقى عيب عليه
واخيرا
انا مع المثل اللى بيقول
تاتى الامتحانات بما لا تحتويه الكتب
الرجوع الى أعلى الصفحة اذهب الى الأسفل
Admin
ـآڷمدَُيـًرهـً العًـاَ مهـً ≈◦
ـآڷمدَُيـًرهـً العًـاَ مهـً ≈◦
avatar

رقم العضوية رقم العضوية : 1
المهنة المهنة :
عارضة طاقة عارضة طاقة :
100 / 100100 / 100

الجنس الجنس : انثى
عدد المساهمات عدد المساهمات : 4273
نقاط نقاط : 6725
تاريخ التسجيل تاريخ التسجيل : 31/08/2009
العمر العمر : 26
الموقع الموقع : http://furniture.alafdal.net

مُساهمةموضوع: رد: نفسى اذاكر   الإثنين أكتوبر 25, 2010 2:27 pm

هدخل انام واصحي فايق بقي واخد اليوم من اوله>>
دا اشهر جمله بتقال عندنا كلنا ...

موضوع متميز يا محمود ...
واتمنى لك التوفيق والتقدم من تقدم الى تقدم ..
وربنا يعدى السنه دى على خير . 18-19.





.. ان عدد مواضيعك ومشاركاتك ليس هو الدليل على نجاحك ..
.. بل مواضيعك المتميزة و أخلاقك الرفيعه ..
.. وعدم ردنا على موضوعك ليس تجاهل منا ..
.. اخيراً المنتدى للجميع فتصرف كصاحب المنتدى .. وليس كضيف ثقيل ..
الرجوع الى أعلى الصفحة اذهب الى الأسفل
http://furniture.alafdal.net
mahmoud hamza
عضو مشارك
عضو مشارك
avatar

رقم العضوية رقم العضوية : 119
المهنة المهنة :
عارضة طاقة عارضة طاقة :
70 / 10070 / 100

الجنس الجنس : ذكر
عدد المساهمات عدد المساهمات : 194
نقاط نقاط : 292
تاريخ التسجيل تاريخ التسجيل : 25/02/2010
العمر العمر : 27
الموقع الموقع : www.hamza3a.ahlamontada.net

مُساهمةموضوع: رد: نفسى اذاكر   الإثنين أكتوبر 25, 2010 2:40 pm

الواحد مش مصدق لسه 5 شهور والواحد معتش حيذاكر ولا يمتحن
ياه امنية حياتى قربت
الرجوع الى أعلى الصفحة اذهب الى الأسفل
 
نفسى اذاكر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتـــــــــــــــديات فن الابداع  :: منتديـــــــات اخـــــ حاجه ــــــــــــــــــــــر :: حـــــــــــــر _Free Free-
انتقل الى: