هو الولد حويط ولا البنت عارفة وبتستعبط ؟؟ هى الكارثة فين ؟؟

ياترا دى الكارثة ؟؟

طيب وانت اسمك اية؟؟؟

انا خالد

اهلا يا خالد .. تصدق المرة دى اول مرة اكلم احد .. بس مش عارفة ليه انت بالذات لفت نظري

حتى انت الصراحه كنت خايف وانا اعطيك الرقم .. حسيت كل الناس بتبصلى

بس خلينا يا خالد نتفق على حاجة ..

انت تأمرى يا ريم

اياك .. اياك في يوم تقول عايز اشوفك ولا اطلعي معايا نخرج ولا الحركات
دى.. لأنه مستحيل يحصل كدة بيننا مهما حصل

عيب عليكى يا ريم .. يا بنت الناس انا مش هارضى عليكِ إلا إلي مش هارضاه
على اختي

ولا دى ؟؟

اقول يا تسنيم .. بس نفسى اشوفك .. .. لو حتى من بعيد

مستحيل يا وائل.. انا عمري ما عملت كدة .. اهلي لو شافوني ولا شكوا فيا
ممكن يقتلوني .. طلبت صورة واعطيتك .. يعني خلاص شفتني

يا بنت الحلال .. لو ألف صورة ما تغني عيوني عنك .. بعدين انا متاكد إنك
احلى مية مرة من كل الصور .. واية عرفنى يمكن دى تطلع صور صاحبتك

معقول .. انت تفتكر فيا كده .. حرام عليك .. وانا الي اقول عليك تحبني

يا بنت الناس والله احبك .. ليه ما تقدري الشوق الي في قلبي ..انتى اية
شايفاني حجر .. بس من بعيد .. ولو مرة وحده .. ولو اموت بعدها .. بس من
بعيد... بكره هاقول لعيالنا إن امكم كانت خوافه

عيالنا .. ليه ما شاء الله عايز تجيب كام

عشرة اقل حاجة

لا .. انا مش عايزة إلا اثنين بس

مش مهم يا حبيبتى .. المهم اشوفك ولا لا.. ..

طيب خلاص .. تعالى تحت الشباك وشوفني

ما ينفعش .. افرضي حد معدي من اخوانك ولا جيرانكم .. هيقول عليكى اية ..
صدقيني انا خايف عليك مش على نفسي .. خليها فى الشارع الي جنبكم .. اشوفك
واروح .. نفسي مرة امتع عيوني بيك .. ليه مستكترة علي الفرح

خلاص اوك يا وائل .. بس عشان تعرف إني احبك

ولا يمكن دى ؟؟

يا منال .. صدقيني .. بس ناخذ لفه .. يعني حنروح فين

ابدا يا محمود .. لو حصل اية .. مستحيل اطلع معاك

وليه بس يا بنت الناس يعني اية اللى حيحصل .. هاكلك يعنى .. انتى عارفاني
انا متربي.... ودى مش اخلاقى .. ولا عندك شك في كده

ايه يا حبيبي عارفاك كويس طبعا .. بس صعب علي صدقني

قولي إنك مش واثقة فيا قولى

انا .. مش واثقة فيك .. حرام عليك

ايوة .. طبعا .. ولا أخذتيني تسلية

اذاى تقول الكلام دة .. وانت عارف .. انا ليل نهار حابسه نفسي جنب التلفون
عشانك

وانا اية عرفنى بقى .. بس انا دايما حظي كذا .. مهما عملت مش هاعجب

يا ابن الحلال والله احبك بس صدقني صعب

انتى الي مصعبها .. ما جاتش على نص ساعه .. وارجعك معززه مكرمه .. ارحميني
.. انا والله ما انام الليل إلا وصورتك قدامي .. اذاى تكون السعاده قدامنا
وما نقطف منها .. انتى ليه مش بتحسي بشوقي ولهفتي عليكى

افرض حصل حاجة يعنى .. مش هاقدر مش هاقدر .. اخلاقي تمنعني

يعني يا منال .. انتى عندك اخلاق .. وانا لا .. دى اخرتها تهزئيني

انا ما هزأتكش .. انت لية عصبي بس

انا مش عصبي بس كلامك الي ينرفز .. روحي شوفي الشباب الي يسافر والي يصيع
.. وانا طلبت اية غير اشوف عيونك من قريب .. كثير علي .. كثير على حبيب
القلب

طيب .. واقول لإهلي اية

قولي لهم أي حاجة .. قولي إنك عند صاحبتك بسمه وانا آخذك من هناك نص ساعه
وارجعك وعد .. انا عمري خلفت لك وعد .. انت عارفه إني افديك بعيوني

طيب خلاص .. نص ساعه بس .. احلف

والله

لا .. قول وحياة منال

وحياة منال

يمكن دى الكارثة ؟؟

يا عبير خلينا ننزل .. ربع ساعه بس

ابد والله ... و لو دقيقه

يا عبير يا حبيبتي .. يا عيوني .. يا عمري .. ربع ساعه.. والله ربع ساعه بس
.. نفسي مرة في حياتي .. اشوفك من غير خوف .. املي عيوني بيك .. لامتى انا
وحبك والخوف عايشين سوا .. حرام عليكى .. والله لو تحبيني نص حبي كنتى
نزلتى

صعب يا معتز .. لو حصل اية..انا طاوعتك في كل حاجة .. إلا دى

طيب انتى شفتيني طلعت رجل في كل حاجة .. يعني دى الي بطلع فيها ندل صح ..
دة قصدك يا عبير

انا ماقلتش كده خالص

معليش .. دة معنى كل كلامك .. لو دة رأيك فيا .. ليه تخليني احبك من الاول
.. ليه تخليني أفكر فيكى .. اذاى تضحكي عليا وتقولي مش هاتجوز غيرك

انا مش بضحك عليك .. ومش هتجوز غيرك ولو حتى اموت

طيب الي يسمع كلامك يقول إني رايح اخرج معاكى عشان اغتصبك .. انا عمري شكيت
فيكى .. ليه انت تشكي فيا

ومين قال إني شاكه فيك

دة معنى كلامك .. والا كنتى نزلتى معايا .. يا بنت الناس انزلي كان زمانا
دلوقتى راجعين .. نفسي بس احضنك واملي عيوني بيك .. ليه انت تحبي تعذبيني
.. ليه انت قاسيه كدة .. فين حبك ليا .. فين حنانك .. كل دة وهم وهم

انا قاسيه !! المشكلة إني عمري ما خرجت مع حد خالص ولا عملت كده .. عمري

عارف والله حبيبتي .. ومتأكد من كده .. ودة الي مخليني متعلق بيكى ومستحيل
اتجوز غيرك .. ويخليني اطلب منك أي حاجة .. ولو مستحيل عشان إنا عارف إنك
بتحبيني وتثقي في حبي ليكى

خلاص .. بس عايزاك توعدني .. خمس دقايق بالضبط .. وترجعني

اوعدك .. وحياة عيونك .. الي هي أغلى شي في الدنيا خمس دقايق بس .. ونكون
راجعين

الحقيقة فى وجهة نظرى ان هى دى الكارثة ::

لا وليد .. حرام عليك .. انت وعدتني

يا سميره يا عمري .. ماحنا كده كده حنتجوز حنتجوز .. ولا انت واخدانى تسليه

اذاى تقول الكلام دة .. خليها ليلة الدخله ارجوووك

يا بنت الناس مش هتفرق .. كلها ايام وأكون في بيتكم

لا يا وليد .. لا .. خليها لما نتجوز .. انت وعدتني خمس دقايق

مستحيل إلا انهاردة..من الاخر عايزة الصراحة ... طلعت فى دماغى بقى وعشان
أضمن إنك تكوني ليا طول حياتك

والله انا ليك .. بس ارجوك خليني ارجع

سميرة .. فكك بقى... كان زمانا خلصنا .. دة الي تقولي الحب .. وافديك بعمري
وبنفسي

ارجوك يا وليد .. افديك بعمري وانت عارف ..لكن بلاش دلوقتى .. خليها لما
نتجوز .. ربنا يخليك .. يلا عشان خاطرى

اسمعي .. والله هى طلعت فى دماغى ..ومافيهاش كلام .. وانت قاعدة تضيعي وقت
.. و هتتأخري على اهلك .. يعني الفضيحه عليك مش عليا .. مشيها بالطيب احسن
وخلينا نحب بعض .. بدل ما امشيها بشي تانى

كفاية يا وليد .. عايزنى ابوس يدك يعنى.. .. الي انت عايزه هاعمله .....
طيب بس خليها بكره

لا تبوسى ايدي ولا رجلي .. احمدي ربك .. .. وطول عمري رجل معاك .. خلصينا
وما تضيعيش وقتك .. وانا شايف انك اتأخرتى على اهلك

ربنا يخليك..ربنا يخليك يا وليد .. خليني ارجع .. وهارجعلك اعمل اللى انت
عايزه .. هاكون خدامه ليك ..

بقولك فكك بقى .. مشيها بالطيب من غير ما امد يدي عليك و تروحي البيت
وهدومك مقطعه وحالتك حاله

يا وليد كفاية بقى .. صورني خد أي ضمان .. والله .. والله .. والله ..
اجيلك بكره

بقول كده .. الظاهر إنك مش هتيجي بالأدب

وتكمل الكارثة بقى وتطبل :

خالد ليه مش بتتصل

مشغول

ليه كل ما بتصل بيك تقفل

باقول مشغول ياريم انت مش بتفهمي

لا خلاص فاهمة .. فاهمة .. يا خالد ما تزعلش نفسك .. ما تعصبش نفسك .. بس
.. بس .. انت وعدتني تيجي

اجي فين .. باقول لك مشغووووول .. انت مش تقدري .. مش عندك احساس .. مش
عندك ذوق .. خلاص هو انا فاضى اتصل اصلا

حرام عليك يا خالد .. فين ريم حبيبة قلبك إلي مش بتنام إلا على صوتها

رجعنا لنفس الإسطوانه يوووووووووووه

خالد انا جالي عريس

طيب مبروك ربنا يهنيكى

مبروك ! .. دى آخرتها .. ترضى كده لأختك

فى اية بقولك احترمي نفسك .. مش باقى غيرك انتى كمان اللى تتكلم عن اخواتي

المشكلة مش هنا .. ولا في أي مكان
.. الذئب كلما كان شرس زادت حلاوة لسانه .. كلما ازداد سم الأفعى ازدادت
نعومتها .. وغدا ستكون هي مثله من قطيع الذئاب .. من جنس الأفاعي

المشكلة في كلمة واحده

غير خالد .. غير وائل .. غير محمود ..غير معتز

.. مشاكل الفتاة في هيئة الأمر .. غير مشاكلها في الشرطة .. غير فضائحها
على الإنترنت .. غير وضع أنف أبيها في التراب .. غير .. غير .. غير

كل المشاكل دى تبدا بكلمة .. مستحيل أن تتصور أنها ستكون بطلة فضيحة أبدا
.. الإنترنت ملئ بصور فتيات كانوا احرص مما تتخيلوا .. قضايا وعار لفتيات
كانوا أشرف مما تتخيلوا .. وكل الحاجات دى هتختفى بكلمة واحدة

اللهم أني اسئلك الستر في الدنيا
والاخــــــــــره

الغلطه هنا غلطه البنت قبل الولد غلطه
تربيه غلط وحريه زياده وبعد عن دين والاخلاق

وبتكون النهايه شب بيضيع عمره فى
الجرى ورا بنات وبيضيع شبابه واحلى سنين عمره

وبنت بيضيع منها مستقبلها ومشاعرها
البريئه اللى صعب ترجعها تانى وتعيش بقيت عمرها مجروح مكسوفه حتى ترفع
راسها

ربنا يحفظنا ويهدى شباب المسلمين

للاسف انا دا اللى بيحصل فى كل مكان ..
عارف الكارثه فين ؟؟؟؟
عدم الخوف من ربنا . وعدم الايمان والقرب من الله
لو فين وعى وعلم بقدرة ربنا مكنش دا حصل ولا هيحصل بس للاسف كل بنت بتفكر تفكير سلبى فى الولد وان حبها ليه اخرته جواز وحياة سعيدة وتعرفش ان الحب مبيكلش عيش ولا حتى طعميه .
وفكر الولد السلبى اتجاه الفتاه انها علبه حلويات مغلفه مجرد انه يفك الغلف يبقى خلاص عرف ايه اللى جوة ويتمزمز فى الحلويات الداخليه ومجرد انه يتلذذ بيها وخلصت العلبه معدتش لازماة ويرميها فى اوحش حاله و اقبح صورة ..
غياب رقابه - غياب ضمير - غياب حدود - غياب خوف من ربنا - غياب العقل واكرر العقل اهم حاله من الناحيتن من ناحيه الولد والبنت .
واخر حاله اقوله ان الحب مش كل حاله
والجواز مش مهم الاهم الايمان بالله والتعليم والصحه وبس .....

شكرا ادمن على المشاركه وبجد رئيك جميل ومقنع

المشكله ان البنت تامن لمن تحبها كان ابوها او اخوها
والغلطه الاكبر والاصعب انها تامن بسم الحب وتعبتره حياتها
وانه بيخاف عليها وطبعا للاسف دا مش صحيح
وربنا يستر على بنات المسلمين
هو الولد حويط ولا البنت عارفة وبتستعبط ؟؟ هى الكارثة فين ؟؟ 417340

هو الولد حويط ولا البنت عارفة وبتستعبط ؟؟ هى الكارثة فين ؟؟ 417340